ცხელი ხაზი : 0350 27 36 50 საიტზე მიმდინარეობს ტექნიკური სამუშაოები

საკრებულოს მორიგი სხდომის დღის წესრიგი ცნობილია

18 იანვარი, 2023

თელავის მუნიციპალიტეტის საკრებულოს ბიურომ წარმომადგენლობითი ორგანოს მორიგი სხდომის დღის წესრიგი განსაზღვრა.

საკრებულო 2023 წელს განსახორციელებელი სპორტულ-ახალგაზრდული და კულტურულ-საგანმანათლებლო მუნიციპალური პროგრამების დამტკიცებაზე იმსჯელებს.

ნორმატიული აქტის პროექტის მიხედვით, სპორტულ-ახალგაზრდულ პროგრამას კიდევ ერთი მიმართულება - ოფროუდი დაემატება, რომელიც მიზნად ისახავს ჯანსაღი ცხოვრების წესის პოპულარიზაციას, სპორტული ტურიზმის ხელშეწყობასა და სპორტის ამ სახეობის განვითარებას.

საკრებულოს სხდომაზე ასევე ერთ-ერთ მთავარი განსახილველი საკითხი 2023 წლის ბიუჯეტში ცვლილებების პროექტი იქნება. მთავარ საფინანსო დოკუმენტში ცვლილებები უკავშირდება 2023 წლის 1 იანვრისათვის არსებული ნაშთის ბიუჯეტში ასახვას, რომლითაც დაფინანსდება სხვადასხვა მიმართულებით მასშტაბური პროექტები.

წარმომადგენლობითი ორგანო დღის წესრიგით გათვალისწინებულ კიდევ 9 საკითხზე იმსჯელებს.

საკრებულოს მორიგი სხდომა 25 იანვარს, 12 საათზე გაიმართება. 

გააზიარე