ვარდისუბანსა და გულგულაში სოფლის საერთო კრებები გაიმართა

18 January, 2019

„სოფლის მხარდაჭერის პროგრამის“ ფარგლებში განსახორციელებელი პროექტების შერჩევის მიზნით, საერთო კრებები გაიმართა თელავის მუნიციპალიტეტის სოფლებში - გულგულასა და ვარდისუბანში.

⇒მოსახლეობის მიერ წარმოდგენილი პრობლემური საკითხების განხილვისას, სოფელ ვარდისუბანში არსებული მინი სპორტული მოედნის გვერდით, სავარჯოშო სკვერის და სველი წერტილის მოწყობა გადაწყდა.


⇒ გულგულის მოსახლეობის გადაწყვეტილებით, „სოფლის მხარდაჭერის პროგრამით“ და თელავის მუნიციპალიტეტის თანადაფინანსებით გათვალისწინებული თანხა სოფლის სასაფლაოს გასუფთავებას, შემოღობვას და შიდა ტერიტორიის მოხრეშვას მოხმარდება.

კრებებს ესწრებოდნენ: თელავის მუნიციპალიტეტის მერი - შოთა ნარეკლიშვილი, თელავის მუნიციპალიტეტის საკრებულოს თავმჯდომარის მოადგილე - გიგა ორკოდაშვილი, გულგულისა და ვარდისუბნის მაჟორიტარი დეპუტატები, მერის წარმომადგენლები ადმინისტრაციულ ერთეულებში და სხვა დაინტერესებული პირები.

ალბომი

Share page